STRONGYLA

STRONGYLA

Salmasio statua dicta est pectore tenus, quae scurô rotundô continebatur. Unde is apud Tertullian. l. de Pallio, Aurem quoque foratu essoeminatus, quod illi apud Sigaeum statua servat: pro Statua legit Strongyla, sensu manente eôdem. Sermo enim ibi de statua Achillis, quam apud Sigaeum Inauribus ornatam monuit Servius ad Aen. l. 1. ubi ait, apud Sigaeum Achillis statuam fuisse, quae in ima auris parte elenchum more femineô habuerit; Id quod Tertullian. dixit, Aurem foratu effeminatus. Vide eundem eiusd. l. c. 10. Ex Graeco ςτρογγύλη: quomodo absolute Scriptor is vocavit την` ἀςπίδα sive προτομὴν, in qua solus vultus erat expressus. Κύκλους et δίσκους etiam appellatos esse, et θώρακας Graecis, notum. Latini Clypea vel Clypeos appellârunt, qui rotundi sunt. Nempe ςτρόγγυλον, teres est et rotundum, περιφερὲς. Unde ςτρογγύλαι nuces, ςτρογγύλα mespila, et ςτρογγύλη, genus aluminis, a figura dictum, ut Bolites lapis. Vide iterum Salmas. ad Solin. p. 708. 869. et 1166. ut et supra in voce Clypeus.